დიღომში, ბელიაშვილის ქუჩაზე, აშენდა თბილისის მერიის დასუფთავების საქალაქო სამსახურის ახალი შენობა. მშენებლობის პროცესში სამშენებლო ნაგავი მდინარე მტკვარში იქნა ჩაყრილი. დაბინძურბის შედეგად კი მტკვარმა იმ ადგილას მიმართულება შეიცვლა.

ამ თემასთან დაკავშირებით ”ეკოლოგიური სამართლის ცენტრის” წარმომადგენლებმა პრესკონფერენცია გამართეს.
ტერიტორიაზე იმდენად დიდი რაოდენობის  ნაგვი და მიწაა ჩაყრილი, რომ  არ არის  გამორიცხული, მდინარის ადიდების შემთხვევაში  იქ არსებული ტერიტორიების დატბორვაც გამოიწვიოს.
სიტუაცუია ბელიაშვილის ქუჩაზე საკმაოდ მძიმეა. სახეზეა მდინარისა და გარემოს დაბინძურების ფაქტები. ყოველივე კი ითვალისწინებს სისხლის სამართლებრივ და ადმინისტრაციულ პასუხისმგებლობას.
,,ეკოლოგიურმა სამართლის ცენტრმა’’ შესაბამისი წერილი უკვე გააგზავნა გარემოს დაცვისა და ბუნებრივი რესურსების სამინისტროში, რათა მათი მხრიდან აღნიშნულ დანაშაულზე  მოხდეს მკაცრი რეაგირება.